الحب اعمى يقوده الجنون..
4 مشترك
صفحة 1 من اصل 1
الحب اعمى يقوده الجنون..
[font=Arial Black]]السلام عليكم
النهاردة جايبالكم معلومة حلوة اوي
احنا دايما نقول الحب اعمي والحب جنون
او الحب اعمي ومجنون
حد سال نفسه ليه بنقول كده وليه بنوصف الحب بالعمي والجنون
انا بئا هقولكم
الوصف ده سببه الابداع
فيه حكاية قديمة بتقول ان من زمان اوي قبل خلق الانسان والبشر
كانت الفضائل والرزائل بس هي اللي موجودة وعايشين مع بعض
وفي يوم من الايام حسوا بملل
وقعدوا يفكروا في حاجة جديدة يعملوها
اقترح عليهم الابداع انهم يلعبوا لعبة الاستغماية اللي احنا عارفينها
كانت اول مرة تتلعب
الكل حب الفكرة ووافقوا يلعبوا
قام الجنون صرخ بصوت عالي وقال : ( انا اول واحد هبدأ, يالا انا هغمي عنيا وانتوا استخبوا وهبدأ العد )
وبدأ العد : واحد , اتنين , تلاتة ......
وبدا العد لحد 100
الكل بدا يستخبي
الرقة فوق القمر
الخيانة في كوم زبالة
الولع بين الغيوم
الشوق في باطن الارض
الكذب قال بصوت عالي انا هستخبي تحت الحجارة وراح مستخبي في قاع البحيرة
وكل ده والجنون بيعد : تسعة وسبعون,ثمانون , واحد وثمانون .......
والكل استخبي الا الحب كالعادة زي ما كلنا عارف مش عارف ياخد قرار ومش عارف يستخبي فين
لان برضه كلنا عارفين انا صعب جداااااااااااا الحب يتسخبي
المهم.....
وصل الجنون في العد لحد 100
قام الحب جري بسرعة واستخبي وسط الورد
فتح الجنون عينيه وبدا يدور علي الباقي ويقول :
( انا فتحت اهو , انا جايلكم )
وفعلا عرف مكانهم كلهم
الرقة والشوق والولع والكذب
ومتعبش خالص في البحث عن الكسل
علشان الكسل محاولش يبذل اي مجهود علشان يستخبي اصلا:d
المهم ياحلوين ان الجنون لقي كل اللي استخبوا الا الحب
فضل يدور كتيييييييييييييييييييييير وبرضه مش لاقيه
وكان خلاص قرب ييأس ويتعب
لحد ما الحسد قرب من الجنون وقاله في ودنه : ( الحب مستخبي بين الورد اللي هناك ده )
راح الجنون مسك عصاية وراح ناحية الورد
العصاية دي كانت عبارة عن شوكة خشب كبيرة
وبدأ الجنون يدخلها في الورد بطريقة عشوائية وبعنف مش مقصود طبعا
وفجأة الكل سمع صوت بكاء قطع قلوبهم
ظهر الحب وايده علي عينه ومليانة دم نازل من بين صوابعه
صرخ الجنون وقال : انا عملت فيك ايه
وحس بالخوف والفزع علي الحب
وحس الجنون بالندم علي اللي عمله
فقرب من الحب وقاله انا اسف علي اللي عملته فيك, بس قولي اعملك ايه علشان تسامحني علي الغلطة دي وعلشان اكفر بيها عنها ؟
قال الحب : انت مش هتقدر ترجعلي عنيا تاني. بس ممكن تعملي حاجة تانية , هي انك تكون دليلي طول العمر
ومن يومها والحب الاعمي يقوده الجنون
وتوتة توتة فرغت الحدوتة
حلوة ولا ملتوتة ؟
عدل سابقا من قبل MrMr sweet girl في الجمعة فبراير 11, 2011 5:52 am عدل 2 مرات
MrMr sweet girl- عضو ماسي
- عدد المساهمات : 587
تاريخ التسجيل : 05/05/2010
العمر : 28
الموقع : in my Dream
رد: الحب اعمى يقوده الجنون..
حلوه جدا
MaNaR HoSnY- عضو فضى
- عدد المساهمات : 66
تاريخ التسجيل : 28/08/2010
العمر : 26
الموقع : in my heart
رد: الحب اعمى يقوده الجنون..
جميييييييييييييييييييييييييييييييييييييييييييييله اوى
انا بحب القصه ديه جدا
تسلم ايدك يا مرمورتى
انا بحب القصه ديه جدا
تسلم ايدك يا مرمورتى
رد: الحب اعمى يقوده الجنون..
حلوه طبعا انتى اساسا مش بتجيبى حاجه ملتوته خالص يا مرموره بجد رائعه اوووووووووووووووووى
تحياتى
مرمر قلبك
تحياتى
مرمر قلبك
MrMr- عضو ماسي
- عدد المساهمات : 1381
تاريخ التسجيل : 02/05/2010
العمر : 26
الموقع : http://newgeneration.roo7.biz/
رد: الحب اعمى يقوده الجنون..
MaNaR NoOr MrMr
منوريييين يا قمراااااااااااااااااات
منوريييين يا قمراااااااااااااااااات
MrMr sweet girl- عضو ماسي
- عدد المساهمات : 587
تاريخ التسجيل : 05/05/2010
العمر : 28
الموقع : in my Dream
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى