قصدة جحا الهويس هشام الجخ
+2
tota morad
سهر الليالى
6 مشترك
صفحة 1 من اصل 1
قصدة جحا الهويس هشام الجخ
من طرف سهر الليالى الثلاثاء يناير 25, 2011 3:12 pm
قصيدة جحا
شعور سخيف
...إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعجميلى معصوبة
ياهلترى خاينة
ولا زيى مغصوبة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
شعور سخيف
...إنك تحس بإن وطنك شيء ضعيف
صوتك ضعيف
رأيك ضعيف
إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف
سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف
دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة
يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت
أنا اللى صاحب البيت
عايش بدون لازمة
ولما مرة شكيت
إدونى بالجزمة
أنا اللى زارعك دهب
بتأكلينى سباخ
إن كان دة تقل ودلع
بزيادة دلعك باخ
لا شفت فيكى هنا
ولا شفت فيكى ترف
كل اللى فيكى قرف
كرامتنا متهانة
واللقمة بإهانة
بتخلفينا ليه لما انتى كارهانا
يعنى ايه تبقى إنتى هبة النيل يا مزة
وكل يوم المية تقطع
يعنى ايه لما اشتكى غلو الفاتورة
يقولو تشكى بس تدفع
لما قش الرز ثروة بتتحرق
وأما نفط الأمة ثروة بتتسرق
وأما جلادك على ولادك بيبطش
وأما علمك ما يلاقيش يآكل فيطفش
يعنى ايه نرفع ايدينا بالسلام لجل الغزاة
ويعنى ايه لما ابقى ماشى فى حالى اتشد اشتباه
يعنى ايه لما اتحبس أربع سنين حبس احتياطى
يعنى ايه مش حاسة بالعمر وغلاوته
بتصبى مر العمر ليه
دة انا كنت ح اوهب لك حلاوته
أنا عمرى ما أتأمرت
ولا حطيت شروطى
ومكان ما ترسى مركبك
بابنى شطوطى
أنا كنت جيشك لما مماليلك باعوكى
وكنت يوسف لما عشتى سنين عجاف
وضلوعى دى اللى فى معركة قادش حموكى
وشفايفى دى اللى ما بطلتش فى يوم هتاف
دة انا كل شبر فى أرضك اتمرمغت فيه
وكل يوم عشتيه
أنا اتغذبت بيه
علا صوت أدانك جرس
فى الشدة صاحينلك
من امتى كانوا الحرس
هما اللى باقينلك
بعتينى علشانهم
وعجميلى معصوبة
ياهلترى خاينة
ولا زيى مغصوبة
علمونا بالعصاية
ورضعونا الخوف رضاعة
علمونا فى المدارس
يعنى ايه كلمة قيام
علمونا نخاف من الناظر
فيتمنع الكلام
علمونا ازاى نخاف
وازاى نكش
بس نسيوا يعلمونا الاحترام
فمتزعلوش
لما ابقى مش باسمع كلامكم
وماتزعلوش لما ابقى خارج عن النظام
مستنى ايه من طفل ربوه بالزعاق
غير المشاكل والخناق
كل اللى بيقولك بحبك دول نفاق
أنا لما قلت لك بحبك
كان نفاق
الحب يعنى اتين بيدوا
مش ايد بتبنى وستميت تيت تيت يهدو
الحب حالة
الحب مش شعر وقوالة
الحب يعنى براح فى قلب العاشقين للمعشوقين
يعنى الغلابة يناموا فى الليل دفيانين
الحب يعنى جواب لكل المسجونين
هما ليه بقوا مسجونين
يعنى أعيش علشان هدف
علشان رسالة
يعنى احس بقيمتى فيكى
إنى مش عايش عوالة
يعنى لما اعرق تكافئيى بعدالة
الحب حالة
الحب مش شعر وقوالة
الحب حاجة ما تتوجدش فى وسط ناس
بتجيب غداها من صناديق الزبالة
بارت مراعينا والبئر قد جفَ
والجوع يكوينا والصبر ما كّفى
والقلب لا يهدا والجرح لا يشفى
ولأننا طوع
زنا لهم خفا
جاءوا بموكبهم
واشتغلت الزفة
الدفة مظبوطة
وأصلا مافيش دفة
والكفة مش مايلة
علشان مافيش كفة
و جحا اللى جاى بالليل لساه بيتخفى
شايف ديدان الغيط سارحة ومارحماشى
من جبنه شاف الدود سابه وراح ماشى
ولا اتكسف للناس
ولا حس على طوله
الناس عشمها كبير جريوا بيشكوله
ضحك جحا ضحكة مواشى
مادام بعيد عن طينى ... ماشى
الدود قاعد لك يا جحا ولابد فى طينك
بعد ما يمص فى دمانا مش حيحلاله الا طينك
احنا اهلك
احنا رجالتك
أمانك
إحنا وقت الشدة سندك
إحنا زادك
يا جحا احمى ولادك
لو كنت عايز تحمى طينك
سوف أرحل
ربما يلقانى من ارجو لقاه
هامشى ويا الشحاتين
وابكى على حلمى اللى تاه
بس مش هاشحت رغيف
هاشحت وطن لله
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
رد: قصدة جحا الهويس هشام الجخ
من طرف سهر الليالى الثلاثاء يناير 25, 2011 5:19 pm
هذه القصيدة ابكت الملاين و من بينهم منى الشاذلى ارجوا ان تنال اعجابكم
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
رد: قصدة جحا الهويس هشام الجخ
من طرف tota morad الأربعاء يناير 26, 2011 8:41 am
بصي انا مقرتهاش بس اكييييييييييد حلوة
tota morad- عضو ماسي
- عدد المساهمات : 1618
تاريخ التسجيل : 07/05/2010
العمر : 26
الموقع : اذا اراد شخص ما الرحيل والابتعاد عنكـ..فلا تجعله يرحـــــل بسهولـ ه فربمــا ينتظر منكـ عبارة: لا ترحــــل -
رد: قصدة جحا الهويس هشام الجخ
من طرف MrMr الأربعاء يناير 26, 2011 9:21 am
لالالا انا قرأتها وبجد جميله جداااااااااا ويارب تجيبى من الحجات الحلوه ديه كتييييييييييير
تحياتى
أمبرة الحب
تحياتى
أمبرة الحب
MrMr- عضو ماسي
- عدد المساهمات : 1381
تاريخ التسجيل : 02/05/2010
العمر : 26
الموقع : http://newgeneration.roo7.biz/
رد: قصدة جحا الهويس هشام الجخ
من طرف smsm الأربعاء يناير 26, 2011 12:29 pm
رائعة رينا يخليك هاتى واحد تانى
اوك مرسى سهر
اوك مرسى سهر
smsm- عضو ماسي
- عدد المساهمات : 332
تاريخ التسجيل : 17/06/2010
العمر : 25
الموقع : http://renaissance.rigala.net/ -
رد: قصدة جحا الهويس هشام الجخ
من طرف M.M.M الخميس يناير 27, 2011 3:04 am
حلوة بجد عاوزين حاجات تانى زى كده
M.M.M- عضو ماسي
- عدد المساهمات : 222
تاريخ التسجيل : 27/05/2010
العمر : 29
رد: قصدة جحا الهويس هشام الجخ
من طرف سهر الليالى الخميس يناير 27, 2011 7:28 am
اوك قصيدة النأشيرة فى الطريق لسا بدور عليها
وشكرا لردودكم الجميلة دى
وشكرا لردودكم الجميلة دى
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
رد: قصدة جحا الهويس هشام الجخ
من طرف سهر الليالى الخميس يناير 27, 2011 7:40 am
قصيدة التأشيرة لشاعر المصرى هشام الجخ
اسبح باسمك الله
وليس سواك اخشاه
واعلم انى لى قدرا سألقاه .. سألقاه
وقد علمت فى صغرى بان عروبتى شرفى
وناصيتى وعنوانى
وكنا فى مدارسنا نردد بعض الحان
نغنى بيننا مثلا
بلاد العرب أوطانى - وكل العرب اخوانى
وكنا نرسم العربى ممشوقا بهامته
له صدر يصد الريح اذ تعوى
مهابا فى عبائته
وكنا محض اطفال
تحركنا مشاعرنا
ونسرح فى الحكايات التى تروى بطولاتنا
وان بلادنا تمتد من أقصى الى أقصى
وان حروبنا كانت لاجل المسجد الاقصى
وان عدونا صهيون
شيطان له ذيل
وان جيوش امتنا
لها فعل كما السيل
سأبحر عندما اكبر
امر بشاطىء البحرين فى ليبيا
واجنى التمر من بغداد فى سوريا
واعبر من موريتانيا الى السودان
اسافر عبر مقديشيو الى لبنان
وكنت اخبىء الاشعار فى قلبى ووجدانى
بلاد العرب اوطانى وكل العرب اخوانى
وحين كبرت
لم احصل على تأشيرة للبحر
لم ابحر
وأوقفنى جواز غير مختوم على الشباك
لم اعبر
حين كبرت
لم ابحر ولم اعبر
كبرت انا
وهذا الطفل لم يكبر
تقاتلنا طفولتنا
وافكار تعلمنا مبادئنا على يدكم ايا حكام امتنا
تعذبنا طفولتنا
وافكار تعلمنا مبادئها على يدكم ايا حكام امتنا
الستم من نشأنا فى مدارسكم
تعلمنا مناهجكم
تعلمنا على يدكم بان الثعلب المكار منتظر سيأكل نعجة الحمقى اذا للنوم ما خلدوا
الست من تعلمتم بان العود محمى بحزمته ضعيف حين ينفرد
لماذا الفرقة الحمقاء تحكمنا
الستم من تعلمنا على يدكم ان اعتصموا بحبل الله واتحدوا
لماذا تحجبون الشمس بالاعلام
تقاسمتم عروبتنا ودخلم بينكم صرنا كما الانعام
سيبقى الطفل فى صدرى يعاديكم
تقسمنا على يدكم فتبت كل ايديكم
انا العربى لا اخجل
ولدت بتونس الخضراء من اصل عمانى
وعمرى زاد عن الف وامى ماتزل تحبل
انا العربى فى بغداد لى نخل
وفى السودان شريانى
انا مصرى موريتانيا وجيبوتى وعمانى
مسيحى وسنى وشيعى و كردى ودرزى وعلوى
انا لا احفظ الاسماء والحكام اذ ترحل
تشتتنا على يدكم
وكل الناس تتكتل
سئمنا من تشتتنا وكل الناس تتكتل
ملئتم فكرنا كذبا ووتزيرا وتأليفا
اتجمعنا يد الله وتبعدنا يد الفيفا
هجرنا ديننا عمدا
فعدنا الاوس والخزرج
نولى جهلنا فينا
وننتظر الغبا مخرج
ايا حكام امتنا يبقى الطفل فى صدرى يعاديكم
يقاضيكم
ويعلن شعبنا العربى متحدا
فلا السودان منقسم
ولا الجولان محتل
ولا لبنان منكسر يدواى الجرح منفردا
سيجمع لؤلؤات خلجينا العربى فى السودان يزرعها
فينبت حبها فى المغرب العربى قمحا
يعصرون الناس زيتا فى فلسطين الابيه
يشربون الاهل فى الصومال ابدا
سيخرج من عبائتكم رعاها الله
للجمهور متقدا
هو الجمهور لا انتم
هو الحكام لا انتم
اتسمعنى جحافلكم
اتسمعنى دواوين المعاقل فى حكومتكم
هو الحكام لا انتم ولا اخشى لكم احدا
هو الاسلام لا انتم فكفوا عن تجارتكم
والا صار مرتدا
وخافوا ان هذا الشعب حمال
وان النوق ان صرمت
فلن تجدوا لها لبنا ولن تجدوا ولدا
انا باق وشرعى فى الهوا باق
سقينا الظلم اوعية
سقينا الجهل ادعية
مللنا السقى والساقى
احذركم
سنبقى رغم فتنتكم
فهذا الشعب موصول
حبائلكم وان ضعفت
فحبل الله مفتول
ساكبر تاركا للطفل
فرشاتى والوانى
ويبقى يرسم العربى
ممشوقا بهامته
ويبقى صوت الحانى
بلاد العرب اوطانى
وكل العرب اخوانى
اسبح باسمك الله
وليس سواك اخشاه
واعلم انى لى قدرا سألقاه .. سألقاه
وقد علمت فى صغرى بان عروبتى شرفى
وناصيتى وعنوانى
وكنا فى مدارسنا نردد بعض الحان
نغنى بيننا مثلا
بلاد العرب أوطانى - وكل العرب اخوانى
وكنا نرسم العربى ممشوقا بهامته
له صدر يصد الريح اذ تعوى
مهابا فى عبائته
وكنا محض اطفال
تحركنا مشاعرنا
ونسرح فى الحكايات التى تروى بطولاتنا
وان بلادنا تمتد من أقصى الى أقصى
وان حروبنا كانت لاجل المسجد الاقصى
وان عدونا صهيون
شيطان له ذيل
وان جيوش امتنا
لها فعل كما السيل
سأبحر عندما اكبر
امر بشاطىء البحرين فى ليبيا
واجنى التمر من بغداد فى سوريا
واعبر من موريتانيا الى السودان
اسافر عبر مقديشيو الى لبنان
وكنت اخبىء الاشعار فى قلبى ووجدانى
بلاد العرب اوطانى وكل العرب اخوانى
وحين كبرت
لم احصل على تأشيرة للبحر
لم ابحر
وأوقفنى جواز غير مختوم على الشباك
لم اعبر
حين كبرت
لم ابحر ولم اعبر
كبرت انا
وهذا الطفل لم يكبر
تقاتلنا طفولتنا
وافكار تعلمنا مبادئنا على يدكم ايا حكام امتنا
تعذبنا طفولتنا
وافكار تعلمنا مبادئها على يدكم ايا حكام امتنا
الستم من نشأنا فى مدارسكم
تعلمنا مناهجكم
تعلمنا على يدكم بان الثعلب المكار منتظر سيأكل نعجة الحمقى اذا للنوم ما خلدوا
الست من تعلمتم بان العود محمى بحزمته ضعيف حين ينفرد
لماذا الفرقة الحمقاء تحكمنا
الستم من تعلمنا على يدكم ان اعتصموا بحبل الله واتحدوا
لماذا تحجبون الشمس بالاعلام
تقاسمتم عروبتنا ودخلم بينكم صرنا كما الانعام
سيبقى الطفل فى صدرى يعاديكم
تقسمنا على يدكم فتبت كل ايديكم
انا العربى لا اخجل
ولدت بتونس الخضراء من اصل عمانى
وعمرى زاد عن الف وامى ماتزل تحبل
انا العربى فى بغداد لى نخل
وفى السودان شريانى
انا مصرى موريتانيا وجيبوتى وعمانى
مسيحى وسنى وشيعى و كردى ودرزى وعلوى
انا لا احفظ الاسماء والحكام اذ ترحل
تشتتنا على يدكم
وكل الناس تتكتل
سئمنا من تشتتنا وكل الناس تتكتل
ملئتم فكرنا كذبا ووتزيرا وتأليفا
اتجمعنا يد الله وتبعدنا يد الفيفا
هجرنا ديننا عمدا
فعدنا الاوس والخزرج
نولى جهلنا فينا
وننتظر الغبا مخرج
ايا حكام امتنا يبقى الطفل فى صدرى يعاديكم
يقاضيكم
ويعلن شعبنا العربى متحدا
فلا السودان منقسم
ولا الجولان محتل
ولا لبنان منكسر يدواى الجرح منفردا
سيجمع لؤلؤات خلجينا العربى فى السودان يزرعها
فينبت حبها فى المغرب العربى قمحا
يعصرون الناس زيتا فى فلسطين الابيه
يشربون الاهل فى الصومال ابدا
سيخرج من عبائتكم رعاها الله
للجمهور متقدا
هو الجمهور لا انتم
هو الحكام لا انتم
اتسمعنى جحافلكم
اتسمعنى دواوين المعاقل فى حكومتكم
هو الحكام لا انتم ولا اخشى لكم احدا
هو الاسلام لا انتم فكفوا عن تجارتكم
والا صار مرتدا
وخافوا ان هذا الشعب حمال
وان النوق ان صرمت
فلن تجدوا لها لبنا ولن تجدوا ولدا
انا باق وشرعى فى الهوا باق
سقينا الظلم اوعية
سقينا الجهل ادعية
مللنا السقى والساقى
احذركم
سنبقى رغم فتنتكم
فهذا الشعب موصول
حبائلكم وان ضعفت
فحبل الله مفتول
ساكبر تاركا للطفل
فرشاتى والوانى
ويبقى يرسم العربى
ممشوقا بهامته
ويبقى صوت الحانى
بلاد العرب اوطانى
وكل العرب اخوانى
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
رد: قصدة جحا الهويس هشام الجخ
من طرف tota morad الخميس فبراير 03, 2011 3:49 pm
لالالالالالالالا بجد روووعة انا قريت الاتنين ولقتهم تحفة
ميغسي رؤية
ميغسي رؤية
tota morad- عضو ماسي
- عدد المساهمات : 1618
تاريخ التسجيل : 07/05/2010
العمر : 26
الموقع : اذا اراد شخص ما الرحيل والابتعاد عنكـ..فلا تجعله يرحـــــل بسهولـ ه فربمــا ينتظر منكـ عبارة: لا ترحــــل -
رد: قصدة جحا الهويس هشام الجخ
من طرف سهر الليالى السبت فبراير 05, 2011 10:45 am
مرسى ليكى انك دخلتى و قرأتهم يا قمراية
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
tota morad- عضو ماسي
- عدد المساهمات : 1618
تاريخ التسجيل : 07/05/2010
العمر : 26
الموقع : اذا اراد شخص ما الرحيل والابتعاد عنكـ..فلا تجعله يرحـــــل بسهولـ ه فربمــا ينتظر منكـ عبارة: لا ترحــــل -
رد: قصدة جحا الهويس هشام الجخ
من طرف MrMr sweet girl الأحد فبراير 06, 2011 4:30 pm
بجددددددددددد روووووعه يا سهر كلام كبير وجميل بجد
تسلمى يا قمر
تسلمى يا قمر
MrMr sweet girl- عضو ماسي
- عدد المساهمات : 587
تاريخ التسجيل : 05/05/2010
العمر : 28
الموقع : in my Dream
رد: قصدة جحا الهويس هشام الجخ
من طرف سهر الليالى الأحد فبراير 06, 2011 11:56 pm
تسلم ليكى يا يا احلى مرمورة فى الدنا
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
رد: قصدة جحا الهويس هشام الجخ
من طرف M.M.M الإثنين فبراير 07, 2011 2:31 pm
بى كوووووووووووووووول
لا بجد حلوة اوى تسلم الايادى
m.m.m
لا بجد حلوة اوى تسلم الايادى
m.m.m
M.M.M- عضو ماسي
- عدد المساهمات : 222
تاريخ التسجيل : 27/05/2010
العمر : 29
رد: قصدة جحا الهويس هشام الجخ
من طرف سهر الليالى الجمعة فبراير 11, 2011 8:04 am
انا نسيت فى الاول اعرفكم بالهويس ودى بطاقة تعريف بالهويس هوه كاتبها بنفسه
اسمى بالكامل
هشام كامل عباس محمود الجخ مهدي محمد علي سالم ابو جاموس
عمامي من قنا وخوالي من سوهاج
اتربيت في سوهاج ودخلت كلية التجارة هناك
كانت اياميها تبع جامعة اسيوط
حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس
اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009
ومحدش يقول لي ليه
انا منفعش ابقى موظف من الاخر
مواليد اول اكتوبر برج الميزان يعني
بسمع حنان ماضي وانغام وشيرين ووائل جسار
بعشق منير ومارسيل خليفة وكاظم الساهر
بموت في ام كلثوم .. لكن كوكب الشرق عندي فيروز طبعا
بكتب شعر على مهلي
على مهلي جدا
بحترم الشعر
بحب الشعر وبذاكره وبهتم بيه ومش بقوله غير وانا عايز اقوله
بعشق عيون الناس وهي بتلمع وانا واقف على خشبة المسرح
وبموت في كلمة الله لما تطلع من الناس
وامنية حياتي اني لما اموت .. العالم كله يعرف ان هشام الجخ مات
اسمى بالكامل
هشام كامل عباس محمود الجخ مهدي محمد علي سالم ابو جاموس
عمامي من قنا وخوالي من سوهاج
اتربيت في سوهاج ودخلت كلية التجارة هناك
كانت اياميها تبع جامعة اسيوط
حولت لجامعة عين شمس واتخرجت منها سنة 2003 وعملت دراسات عليا في ادارة الاعمال في جامعة عين شمس
اتعينت في الجامعة مسؤول عن المركز الثقافي في نفس سنة التخرج واستقلت من الجامعة في 11/ 2009
ومحدش يقول لي ليه
انا منفعش ابقى موظف من الاخر
مواليد اول اكتوبر برج الميزان يعني
بسمع حنان ماضي وانغام وشيرين ووائل جسار
بعشق منير ومارسيل خليفة وكاظم الساهر
بموت في ام كلثوم .. لكن كوكب الشرق عندي فيروز طبعا
بكتب شعر على مهلي
على مهلي جدا
بحترم الشعر
بحب الشعر وبذاكره وبهتم بيه ومش بقوله غير وانا عايز اقوله
بعشق عيون الناس وهي بتلمع وانا واقف على خشبة المسرح
وبموت في كلمة الله لما تطلع من الناس
وامنية حياتي اني لما اموت .. العالم كله يعرف ان هشام الجخ مات
سهر الليالى- عضو ماسي
- عدد المساهمات : 284
تاريخ التسجيل : 15/06/2010
العمر : 26 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى